موقع الملاعب : وجوده زي السرطان.. ميدو يشن هجوما عنيفا على نجم الأهلي

شن أحمد حسام ميدو، نجم نادي الزمالك السابق، على محمود عبد المنعم “كهربا، لاعب الأهلي، بسبب أحداث ما بعد مباراة المارد الأحمر ضد شباب بلوزداد الجزائري.

واكتسح الأهلي نظيره شباب بلوزداد بستة أهداف مقابل هدف، أمس الأحد، ضمن منافسات الجولة الرابعة من دور المجموعات بمسابقة دوري أبطال إفريقيا.

وكتب ميدو عبر حسابه على منصة “إكس”: “من حق المشجع اللي هو أكثر واحد بيتأثر نفسيا بأي نتائج سلبية أو بأي تصرفات تقلل من النادي صدرت من أي شخص داخل المنظومة إنه يعبر عن غضبه طالما الغضب ده مافيهوش أي سب لأي شخص ولكن غضب عن طريق إيصال رسائل إلى الإدارة والجهاز واللاعيبه وده اللي عملوا فعلا جمهور الاهلي قبل الماتش ورد فعل اللاعيبة كان عظيم بالفوز الكبير”.

وأضاف: “طبيعي إن الجمهور لما يلاقوا لاعيبتهم موتوا نفسهم في الملعب انهم يحيوهم بعد الماتش علشان يقفلوا الصفحة ويوصلوا للاعيبة رسالة إن بفوزك النهارده الكبير الصفحة اتقفلت ومش هنقبل إلا بالأداء والنتائج دي وهي دي عقلية مشجع الاندية الكبيرة مفيش غيرها وعقلية المشجع دي هي اللي بتتنقل لكل فرد داخل المنظومة وهي أساس نجاح أي نادي كبير”.

وتابع: “كان لازم اللاعيبة تروح تحيي الجمهور ويفهموا إن جمهورهم معاهم مش ضدهم إنما ايه اللي حصل مين المستفيد الأكبر ان يكون في خلاف ما بين الجمهور والمجموعه علشان مايبقاش شايل الليلة لوحده؟ مين ورط الشناوي واللاعيبة في مشكلته مع الجمهور؟ الحقيقة هو لاعب واحد فقط وجوده سرطان داخل أي فريق هو كهربا وهو فعلا كما قلت من قبل وبعض من اصدقائي الاهلاوية زعلوا مني قرار التوقيع معاه أكبر غلطة في تاريخ الأهلي”.